Ањес Мартен-Лиган (1979) е родена во Сен Мало, Франција. Магистрира психологија и шест години работи како клинички психолог во областа на детската психологија. Ја напушта работата по раѓањето на својот прв син и му се посветува на пишувањето. Кога го напиша првиот роман Среќните луѓе читаат и пијат кафе (2013) таа го оствари својот сон и стана писателка, но по обратен редослед. Откако ја одбиле двајца издавачи, таа својот роман го објавила сама, и тоа не во печатена форма, туку на „Амазон киндл“. Благодарение на препораките од книжарниците и читателите, книгата многу брзо доживеа огромен успех и во Франција и во светот. Така Ањес најпрво ја стекна наклоноста на читателите, а дури потоа на вистинските издавачи, со што стана феномен во издаваштвото. Романот е преведен и издаден во дваесетина земји. Според него наскоро ќе биде снимен и холивудски филм. Во 2015 г. излегува од печат и неговото продолжение, Животот е лесен, не грижи се. Ањес Мартен-Лиган досега има објавено осум романи: Среќата ми се излизга од рацете (2014), Жалам, ме чекаат (2016), Сè уште ја слушам таа музика (2017), Во светлината на утрото (2018), Доказ (2019), како и расказот Благодарам, наставничке (2016). Во нив таа на префинет начин, со многу нежност и хумор, ги анализира механизмите на човечката душа раскажувајќи приказни кои допираат до сечие срце. Живее во Руан со своето семејство.
Веб страницата користи колачиња за да ви овозможиме најдобро можно корисничко искуство. Со продолжување на користењето на нашата интернет страница ја прифаќате употребата на колачиња (cookies).
Се согласувам