Блаже Миневски е автор на романите Требаше да се сликаме пред да се замразиме, Приказна за третиот, Свирци, Црна лисица и Нишан, а досега има објавено и неколку книги раскази, меѓу кои и Пристапната беседа на академик Сисое и Сезона на глуварките. Досега ги има добиено сите најзначајни книжевни награди во Македонија. Како автор на десетина пиеси, има добиено неколку награди на Националниот фестивал на македонските професионални театри во Прилеп, а за пиесата Немушт јазик ја доби наградата на МНТ за најдобар драмски текст на годината.
