ЉУБОВ ЗА РАСПРАВИЈА И РАСПРАВИЈА ЗА ЉУБОВ
Актуелно
Еден од најважните фактори во една долгорочна врска е да знаете како да разговарате за важните работи, па ако треба и да се расправате. Ако добро се изведува, расправањето носи поволности за врските.
Кога партнерите умеат на здрав начин да си го изразат гневот, градат одредени квалитети и способности и го зацврстуваат своето заедништво. Според авторот Џеј Шети, квалитетите какви што се сочувство, емпатија и трпеливост – помагаат да го разберете и да го решите проблемот. Способностите – како комуникација, слушање и разбирање – помагаат во иднина да решавате дури и поголеми предизвици.
Совладајте ја „вештината на расправијата“, љубовта бара секојдневно вложување напор.
Не барајте потврда за вашите ставови во врската од други – создајте сопствен начин на комуникација со партнерот
Начинот на кој ѝ пристапуваме на кавгата, сеедно дали е голема или мала, го дефинира тонот за нејзино (не)решавање. Кон битката пристапувајте со понизност.
КАКО ДА СЕ КАРАТЕ ПРОДУКТИВНО – за да победите како двојка, мора да дејствувате од љубов и од желба да бидете ист тим со својот партнер.
ПОСТАВЕТЕ ДИЈАГНОЗА ЗА ТОА КОЈ Е СУШТИНСКИОТ ПРОБЛЕМ – обидете се да го сфатите партнерот и намалете ги шансите повторно да се случи истиот конфликт.
ПОЗНАВАЈТЕ СИ ГО СПОПСТВЕНИОТ СТИЛ НА РАСПРАВАЊЕ –
создајте простор секој од вас да биде лут, како и распоред за правилно справување со лутината.
ЗАЕДНО ПОБЕДУВАЈТЕ И ЗАЕДНО ГУБЕТЕ –
Бидете подготвени да се борите против проблемот, а не еден против друг.
НЕ РАСКИНУВАЈТЕ СЕ ПРИ РАСКИНУВАЊЕ –
Љубовта е несовршена, но тоа не значи дека треба да останете во нездрава врска.
