СЕКОЈ МОЖЕ е хроника за остварување на сонот на двајца млади луѓе кои сфаќаат дека нивната креативност и амбиција може да ја задоволат единствено со основање на сопствен бизнис. Сахар како адвокат, Боби како банкар, одлучуваат да ги прекинат своите професионални кариери за да го остварат нивниот сон. Низ меѓусебните разговори, во кои всушност се родила идејата за основање на сопствен синџир на кафетерии, потенцираат колку е тежок и интересен патот до успехот. Покрај стручните економски, финансиски и деловни совети, во книгата среќаваме и низа духовити и возбудливи анегдоти за она што се случувало додека го развивале бизнисот, како и дел од нивното директно искуство. Оваа лична приказна за сонувањето, акцијата и успехот е всушност студија за развивање сопствен бизнис од идеја, преку бизнис-план, наоѓање на финансиски средства, па сè до раководење со илјадници вработени.Сахар и Боби Хашеми во 1995 година го основаа синџирот на кафетерии Coffee Republic кој прерасна во најпознат англиски бренд вреден 50 милиони фунти, а овoj светски бестселер стана задолжителна литература на London Business School.
Веб страницата користи колачиња за да ви овозможиме најдобро можно корисничко искуство. Со продолжување на користењето на нашата интернет страница ја прифаќате употребата на колачиња (cookies).
Се согласувам