Деновите низа нижат
ко вагони што се движат:
пролет, лето, есен, зима –
кружна пруга возот има!
Јатките на загатките е мала ризница од гатанки наменета за најмладите читатели во која еднакво ќе уживаат и возрасните. Тие го воведуваат детето во богатството на светот распостилајќи го пред него сиот раскош во форми, бои и мириси...
Јатките на загатките е шарена кутија полна со виножита, снегулки, ѕвезди, бубамари, кокичиња, пингвини и крокодили... Од нејзините страници скокаат зајачиња, свират штурци на виолини, мирисаат липите и расцутените врби... Отворете ги нејзините корици и впловете во таинствениот свет на загатките и нивните одгатки!
