×

Кошничка

Вашата кошничка е празна.




Акција
Моќта на самодовербата

Моќта на самодовербата

Брајан Трејси


Издавач: Паблишер
Година на издавање: 2020
Број на страни: 320
Автор: Брајан Трејси
ISBN: 9786084892175
Жанр: Популарна психологија
320 ден. 400 ден.

Заштедувате 80 ден.

Моќта на самодовербата е неверојатна книга што ви дава бесценети совети и конкретни насоки за себеразвивање преку зацврстување на самодовербата. На тој начин, таа ви ја отвора вратата кон еден поисполнет и порадосен живот. Брајан Трејси, најпознатиот светски гуру за мотивација и продажба, несебично споделува со нас повеќе практично докажани техники за развивање на самодовербата, која е клучна за постигнување на успех и среќа.


Самодовербата е способност да се осмелите да ги преземете потребните ризици без гаранција дека ќе успеете. Добрата работа е што и таа, како и секоја друга особина или вештина, може да се развива преку редовни вежби за развој во секоја област од животот.


Што би направиле денес доколку знаете дека исходот ви е загарантиран? Би го договориле состанокот? Би ја поканиле личноста што ви се допаѓа да излезете? Би го склучиле договорот? Секако! Ако зрачите со самодоверба, вие би го постигнале посакуваниот резултат и биле побрзи, поефикасни во работата и би влијаеле позитивно и врз другите луѓе. Оваа книга ќе ви помогне да ја разберете моќта на самодовербата, да дознаете како да ја примените кај себе и кај другите и да уживате во плодовите што таа ќе ви ги донесе!

Брајан Трејси

Брајан Трејси

Брајан Трејси е професионален говорник, тренер, водач на семинари, советник и автор, претседател на Брајан Трејси интернешнел, компанија за човечки ресурси и развој од Солана Бич, Калифорнија.

Тој ја научил својата лекција за успехот на потешкиот начин. Го напуштил средното училиште и бил физички работник неколку години. На дваесет и неколку години почнал да работи како продавач и го почнал бавното напредување во бизнисот. Учејќи и применувајќи ја секоја идеја, метод и техника што можел да ги најде, успеал да стане оперативен директор на компанија за развој вредна 276 милиони долари. Во 1981 г. почнал да држи говори и семинари на кои подучувал за своите принципи за успех низ целата земја. Денес неговите книги, аудиопрограми и видеосеминари се преведени на 38 јазици и се користат во 60-тина земји. Секоја година се обраќа пред повеќе од 250.000 луѓе низ САД, Европа, Азија и Австралија. Неговите говори и семинари ги опишуваат како „инспиративни, забавни, информативни и мотивирачки“.

Брајан Трејси е еден од најпродаваните автори во светот. Има објавено околу 50 книги, вклучувајќи ги Без оправдување, Цели, Креативност и решавање на проблеми, Управување со времето, Мотивација, Маркетинг, Создајте ја сопствената иднина, Сменете го размислувањето, Изеди ја таа жаба!, Максимално постигнување, Напредни продажни стратегии, Точка на фокусот, 100 апсолутно непобитни закони на деловниот успех и др. Напишал и издал над 500 едукативни аудио и видеопрограми што се користат низ светот.

Среќно оженет е и има четири деца. Активен е во општествените активности и живее во Солана Бич, Калифорнија.

Повеќе